قطار الأهلي لا يتوقف
بمناسبة فوز الاهلي «نادي القرن» بالثلاثية التاريخية «الدوري العام وكأس الأندية الإفريقية وكأس مصر»
•••
أهلي البطولات
خطا محطات
وبتوقيت (التتش)
قطرهُ عدا وفات
***
كيان الإنجازات
نفديه حتي الممات
وادي رجال الأهلي
بتسطر معجزات
***
أعظم نادي في الكون
هَدِّف واهتف بجنون
ويَّا نسورك ياأهلي
ألقاب ودروع لقرون
***
أهلي المخلصين
معشوق الملايين
وبأفراح النصر
نملا الميادين
***
شوف راية الفرسان
بترفرف في العنان
وأدي نسر الأهلي
بيزلزل في اليابان
***
القارة الإفريقية
عاصمتها أهلاوية
وبالفانلة الحمرا
عرفتها العالمية
***
مجدك دايمًا عظيم
تتش وصالح سليم
وأدى رجال الأهلي
حنكة وخبرة زعيم
***
درع وكاس البطولة
عرينها (تتش) الرجولة
وشوف خصوم الأهلي
دموع وسطور مجهولة
***
حشودك الوفية
في الأمة العربية
وأدي فروع الأهلي
خليجي ومغربية
***
اسمك رمز الفداء
جمهور كله إباء
اقرا ديوان الأهلي
هتلاقي الشهداء
***
رب الكون حماك
وبجمهورك حباك
وبالتالتة يا أهلي
نفرح دايمًا معاك
***
يا نادي الوطنية
وكفاح المصراوية
سعد الأمة يا أهلي
أجياله ديمًا قوية
***
حنكة وخبرة ومهارة
رؤية مجلس إدارة
وعمر القلعة الحمرا
نزاهة واستخارة
***
مهما يحاول عدوك
إيمانك جوه دمك
طول عمرك ياأهلي
نصرك سجدة لربك
***
سيبهم يعيشوا الوهم
وتيمك زي السهم
وبتسعينك ياأهلي
عرفوا معنى الشهم
***
يا عاملينها بولتيكا
شوف أفشة وتريكا
ويا جوان الأهلي
النيل عزف مزيكا
***
غيرحبك مافيش
وبنبضك هنعيش
خفافيش الأعادي
أبدًا ما تهمينيش
***
مهما حطولك سدود
ورشواالأرض فهود
ويا أسودك ياأهلي
هنخلي الظلم قرود
***
مهما عدوا تابوت
وطلعلولنا كروت
ويا صمودك ياأهلي
قعدوا يلموا التوت!!
***
فرسانا يا رجال
أبطال فوق الخيال
هي روحك ياأهلي
صخرة تهزم محال
***
يا تيم الأهلاوية
عاوزينها رباعية
وبحبك ياأهلي
لنجيب الخماسية
***
الله الله الأهلي يا محلاه
جمهوره معاه دايما حماه
يارب الفرحة دايمًا ماتنساه
وغير الأهلي يغني على ليلاه
***
لحن نشيدك خلود
وعز كفاحك جدود
على عهدك يا أهلي
صان أحفادك عهود
***
مهما تكون الغيوم
والعتمة والهموم
ربان الأهلي شامخ
بيطير بين النجوم
***
مهما تكون الخصومة
ريال بنفيكا ورومة
على شرف الأهلي
الكون عامل عزومة
***
أكتاف في كتاف
شماريخ وهتاف
جمهور الأهلي
عمره ما خاف
***
أعلامك مليونية
إعلامك مية مية
مانشيتك يا أهلي
حكمةوموضوعية
***
يا فارس الفرسان
متعنا كمان وكمان
برج الجزيرةيعشق
مدرستك من زمان
***
بطولاتك نيشان
وشهامتك كيان
وأفراح الأهلي
برادس كمان
***
شوف الرهيب
بيبو الخطيب
إبداع وخبرة
وعظمة حبيب
***
يا سلطان الكورة
رايتك هي المنصورة
وجماهير الأهلاوية
مانشيت بأغلى صورة
***
شعر الدكتور /أحمد محمد الشربيني «أبو وهاد»
جاري التحميل ...